Monthly Archives

June 2026

Pinoy MMA fighters handang-handa na sa kanilang laban ngayong araw

Kumpiyansa ang Pinoy Featherweight Mixed Martial Arts Fighter na si Edward Kelly na mananaig ang galing ng Pinoy sa laban nito kontra kay Martin Nguyen ng Australia na gaganapin sa Singapore.

Naniniwala si Kelly na matatapos ang kanilang laban ni Nguyen via stoppage.

Makakaasa aniya ang mga manunuod ng exciting at maaksyong laban.

Ipinagpapasalamat ni Kelly ang pagkakabilang niya ngayon sa Team Lakay ng Baguio City na malaki aniya ang naitulong para mas lalo pa niyang mapaghusay ang kaalaman at kakayahan sa Mixed Martial Arts.

Masaya rin si Kelly na makasama ang top fighters sa bansa na miyembro din ng team lakay na kinabibilangan nina Eduard Folayang, Mark Eddiva, Kevin Belingon na tumutulong aniya para itulak siya at mas pagbutihin ang sport.

By Ralph Obina

November 13, 2015 0 comment

INTERNATIONAL NEWS

13 hinihinalang miyembro ng Jihadist group arestado sa Europa

written by DWIZ 882

Arestado ang 13 hinihinalang miyembro ng Jihadist group sa isinakatuparang raid sa iba’t ibang bahagi ng Europa.

Kabilang sa mga ni-raid na lugar ng mga otoridad ay ang Finland, Germany, Italy, Norway, Switzerland at United Kingdom kung saan kanilang tinarget ang grupo ng Rawti Shax.

Batay sa imbestigasyon, ang naturang grupo ang umano’y nagre-recruit ng foreign fighters na ipinapadala naman sa Iraq at Syria.

Kabilang sa mga naaresto ang lider ng grupo na si Mulla Krekar na sinintensyahan 18 buwang pagkakakulong.

By Ralph Obina

November 13, 2015 0 comment

HEADLINES

Paghahain ng kaso sa mga nahulihan ng bala sa NAIA ipinauubaya sa DOJ

written by DWIZ 882

Ipinauubaya na ng Department of Transportation and Communications (DOTC) sa Department of Justice (DOJ) at sa prosecution service ang pagpapasya kung kakasuhan o hindi ang mga nahulihan ng bala sa NAIA.

Ayon kay DOTC Secretary Jun Abaya, hindi naman sanay at walang kakayahan ang kanyang mga tauhan sa OTS o Office for Transportation Security na magpasya kung palalampasin o pakakasuhan ang isang pasahero na nahulihan ng bala.

Una rito, ilang OFW tulad ni Milagros Cadiente ang aminadong may dalang bala subalit ito aniya ay anting-anting lamang at wala namang lamang pulbura.

“Yung eventually nag-dedecide o ahensya ng pamahalaan na nag-dedecide kakasuhan ba ito o hindi ay ang prosecution, yung may probable cause kung ibababa natin ito sa lebel ng OTS scanner na ang puno’t dulo ng training niya ay mag-detect ng prohibited item, hindi po siya trained in law, hindi siya trained in evidence.” Ani Abaya.

Iginiit ni Abaya ang aniya’y taos sa pusong paghingi ng paumanhin sa mga naarestong OFW’s .

Ayon kay Abaya, kumbinsido naman siya na talagang inosente ang mga OFW’s sa akusasyon subalit mayroon lamang talagang proseso na sinusunod ang mga tauhan sa airport.

“Di naman ako nag-aatubiling umamin kung may pagkukulang kami, I always speak from the heart and from the very start bago pa nagka-hearing hearing talagang naniniwala naman ako na itong mga OFW natin ay inosente dito, yun lang yung ating mga screeners at Kapulisan, may mga procedures na dapat silang sundan dahil may batas na na-enforced.” Pahayag ni Abaya.

By Len Aguirre | Ratsada Balita

November 13, 2015 0 comment

HEADLINES

Pagtama ng malakas na lindol sa Davao Region ibinabala

written by DWIZ 882

Nanganganib makaranas ng isang malakas na lindol ang Davao Region.

Ibinabala ito ng Philippine Institute of Volcanology and Seismology (PHIVOLCS) makaraang makatuklas ng mga bagong fault lines sa Davao Region.

Ayon kay Desiderio Cabanlit, Senior Analyst ng PHIVOLCS Southern Mindanao, dinodokumento na nila ang mga lugar kung saan natagpuan ang mga bagong bitak o fault lines, tatlo aniya rito ay matatagpuan sa Davao City.

Batay anya sa kanilang 2010 findings, may mga bagong crack na natagpuan sa baybayin ng Mati sa Davao Oriental at Surigao del Sur na may kakayahang lumikha ng magnitude 8.3 lakas ng lindol.

Nangyari na rin anya ito sa Mati cIty at Monkayo Compostela Valley Region noong 1924 hanggang 1893.

Kamakailan lamang ay nakaranas naman ng 4.7 magnitude ng lindol ang Davao Region.

By Len Aguirre

November 13, 2015 0 comment

NATIONAL NEWS

Pamilya Romualdez at Marcos handang makipagkasundo sa pamilya Aquino

written by DWIZ 882

Nagpahiwatig si Leyte Representtaive Ferdinand Martin Romualdez ng pakikipagkasundo sa pagitan ng mga pamilya Romualdez at Marcos sa mga Aquino.

Ito’y makaraang magbatuhan ng sisi sina Pangulong Benigno Aquino III at Tacloban City Mayor Alfred Romualdez matapos manalasa ang super bagyong Yolanda noong 2013.

Ayon sa mambabatas, mas mainam aniyang isara na ang yugto ng palitan ng maaanghang na salita sa halip, napapanahon na aniya para sa isang nagkakaisang bansa.

Batid naman aniya ng lahat ang hidwaan sa pagitan ng mga Marcos at Aquino kaya’t mas maganda kung tatapusin na ito ng bagong henerasyon ng mga nabanggit na pamilya.

By Jaymark Dagala | Jill Resontoc (Patrol 7)

November 13, 2015 0 comment

NATIONAL NEWS

Halos 1K pulis bantay sarado sa MOA Arena

written by DWIZ 882

Tinatayang aabot sa may 1,000 pulis ang ipakakalat sa paligid ng Mall of Asia Arena sa Pasay City.

Ito’y para sa gagawing welcome dinner ng mga heads of state gayundin sa mga delegado ng APEC Summit.

Ayon kay Police Senior Supt. Joel Doria, Pinuno ng Pasay City PNP, nasa kalahati pa lamang ang nakakalat ngayon sa mismong lugar ngunit asahan nang dodoble ito sa Nobyembre 18 ang mismong araw ng welcome dinner.

Pagtitiyak pa ni Doria, bantay sarado ng mga pulis na magmumula sa iba’t ibang district offices ng NCRPO ang lahat ng pasukan sa MOA Arena.

By Jaymark Dagala | Jonathan Andal

November 13, 2015 0 comment

HEADLINES

Kaso ng dengue sa bansa tumaas ng 40 porsyento

written by DWIZ 882

Tumaas ang kaso ng dengue sa bansa.

Batay sa dengue surveillance report ng Department of Health (DOH), lumalabas na pumapalo na sa mahigit 124,000 ang naitalang kaso ng dengue mula Enero hanggang Oktubre ngayong taon.

Apatnapung (40) porsyento itong mas mataas kumpara sa kaparehong period noong nakaraang taon.

Ipinabatid din ng DOH na tumaas din ang bilang ng mga nasawi dahil sa dengue ngayong taon na nasa 374 mula 355 noong 2014.

Pinakamalaking bilang ng kaso ng dengue ay naitala sa Central Luzon, CALABARZON, National Capital Region, Ilocos Region at Cagayan Valley.

By Ralph Obina | Aya Yupangco (Patrol 5)

November 13, 2015 0 comment

NATIONAL NEWS

MIAA General Manager Honrado di magbibitiw sa puwesto

written by DWIZ 882

Nanindigan si Manila International Airport Authority (MIAA) General Manager Angel Honrado na hindi ito magbibitiw sa puwesto sa kabila ng kontrobersya ng ‘tanim-laglag bala’ scam sa Ninoy Aquino International Airport (NAIA).

Giit ni Honrado, tanging Pangulong Benigno Aquino III lamang ang may karapatang utusan siyang bumaba sa puwesto.

Binigyang diin ni Honrado na kanyang tatapusin ang kanyang termino kasabay ng 7 buwan pang panunungkulan ng Pangulong Aquino.

Matatandaang nagisa kahapon nang husto si Honrado ng mga senador ukol sa kawalan nito ng aksyon sa mga nabibiktima ng laglag bala scam.

Si Honrado ang pinakamahabang umuupong airport manager sa bansa.

By Ralph Obina | Raoul Esperas (Patrol 45)

November 13, 2015 0 comment

NATIONAL NEWS

Clearing ops sa Mabuhay Lanes tuloy hanggang matapos ang termino ni PNoy

written by DWIZ 882

Magpapatuloy ang paglilinis sa Mabuhay Lanes sa Metro Manila hanggang sa matapos ang termino ni Pangulong Benigno Aquino III sa June 30, 2016.

Ito ang inihayag ni Secretary to the Cabinet at Traffic Czar Jose Rene Almendras.

Ayon kay Almendras, bawal ang pagpaparada sa mga tinukoy na Mabuhay Lanes at solusyon na rin aniya ito sa problema sa trapiko sa Metro Manila.

Nauna nang inihayag ng MMDA na layon ng paglilinis nila sa Mabuhay Lanes na tanggalin ang mga illegally parked vehicles bilang bahagi pa rin ng preparasyon sa APEC Summit.

By Meann Tanbio

November 13, 2015 0 comment

NATIONAL NEWS

Mga otoridad walang inaasahang APEC rally sa Pasay

written by DWIZ 882

Walang protestang inaasahan ang Pasay City Police sa nasabing siyudad sa buong linggo ng APEC Summit.

Ayon kay Pasay Police Chief Sr. Supt. Joel Doria, walang permit to rally na inisyu ng pamahalaang lunsod ng Pasay sa alinmang grupong nagbabalak na magsagawa ng kilos protesta sa susunod na linggo.

Sakali aniyang may mamonitor silang mga indibidwal na naggu-grupo grupo, kanila itong sisitahin para hindi na magka-gulatan sa bandang huli at upang hindi na maisagawa pa ang kanilang pakay na magdaos ng rally.

Nilinaw naman ni Doria may kani-kaniya silang area of jurisdiction at ang kanyang coverage ay ang MOA, habang ang ibang ground commmander ay nakatoka sa PICC at sa lugar kung nasaan ang mga hotel.

By Meann Tanbio

November 13, 2015 0 comment

Newer Posts

Older Posts