June 2026

Dapat magkaroon ng episyenteng mga opisyal ang Department of Transportation and Communications o DOTC, Manila International Airport Authority o MIAA at ng Office for Transport Security o OTS.

Ito ang nakikitang solusyon ni Senadora Grace Poe sa naging takbo ng pagdinig kahapon sa senado kaugnay sa usapin ng tanim bala modus sa NAIA.

Ayon kay Poe, mahalagang matukoy sa lalong madaling panahon ang mga taong nasa likod ng nasabing modus upang agad mapanagot sa batas.

Bukod dito, sinabi ni Poe na dapat gamitin nila DOTC Secretary Jun Abaya ang kaniyang mandato para pulungin ang National Aviation Security Council upang pag-usapan ang mga isyung bumabalot sa mga paliparan.

By  Jaymark Dagala | Cely Bueno (Patrol 19)    

Dalawa (2) pang indibiduwal ang nahulihan na naman ng bala sa Ninoy Aquino International Airport o NAIA.

Batay sa datos ng PNP Aviation Security Group, patungo sa magkahiwalay na destinasyon ang dalawang nahulihan kaninag madaling araw.

Isang 27-anyos na hindi pinangalanang babae ang papaalis kaninang alas-3:00 nang makitaan ng bala ang bagahe nito sa NAIA Terminal 3.

Sinasabing nagkapalit umano sila ng bag ng kaniyang kapatid na umako sa nakitang bala dahil sa paniniwala sa anting-anting.

Samantala, isang 27-anyos na lalaki naman ang nakitaan din ng bala makaraang bulatlatin nito ang kaniyang shoulder bag sa NAIA Terminal 4.

Umamin naman ito sa pulisya na mayroong lisensya ang balang nahuli sa kaniya ngunit naiwan ito sa kanilang tahanan.

Dahil dito, agad isinailalim sa inquest proceedings ang nasabing lalaki dahil sa kabiguan nitong ipakita ang kaniyang lisensya at permit to carry.

By  Jaymark Dagala          

Nagpaliwanag ang Russian government sa biglaang pagbabago sa iskedyul ni Russian President Vladimir Putin.

Ito’y makaraang kumpirmahin ang hindi pagdalo ni Putin sa gagawing Asia Pacific Economic Cooperation o APEC Summit sa bansa.

Ayon kay Dmitry Peskov, Kremlin Press Secretary, mismong si Putin ang nagpasya na huwag nang tumuloy sa Pilipinas dahil sa conflict of schedule.

Tulad ni Indonesian President Joko widodo, dadalo rin sa G-20 Summit si Putin na gagawin naman sa Turkey sa Nobyembre 14 hanggang 15.

Dahil dito, pansamantalang kakatawanin ni dating Russian President ngayo’y Prime Minister na si Dmitry Medvedev.

By  Jaymark Dagala

Pinangangambahang tumagal ng 24 oras ang sunog sa isang pabrika ng karton sa Barangay Bagumbayan sa Libis, Quezon City.

Ito’y dahil sa tone-toneladang karton na laman ng pabrika dahilan upang mahirapan ang mga pamatay sunog na apulahin ang apoy.

Ayon sa Bureau of Fire Protection o BFP, nakataas pa rin sa task force bravo ang alarma ng sunog na nagsimula pa alas-9:00 kagabi.

Kasunod nito, inulan ng abo o alipato ang ilang bahagi ng Metro Manila dahil sa nasunog na pabrika.

Naramdamanang tila ash fall sa bahagi ng San Juan, Makati, Maynila, Pasig gayundin sa Mandaluyong City.

By  Jaymark Dgaala  

Dahil walang first lady ang Pangulong Benigno Aquino III, ang kaniyang mga kapatid ang siyang mangangalaga sa mga asawa ng heads of state sa APEC Summit.

Pangungunahan ng magkakapatid na Ballsy, Pinky, Viel at Kris ang historical tour sa Intramuros gayundin ang pag-alalay sa mga ito sa isang live museum.

Ilan sa mga inihanda ay ang pagkakakita ng mga larong Pinoy tulad ng sungka at pagpaparinig ng isang awitin ng isang babae sa tertulia o literary social gathering.

Magigimg mala-fiesta naman ang pakiramdam sa buong aktibidad dahil babatiin ang mga bisita sa pamamagitan ng pagsayaw ng Jota Intramureña at patitikimin sila ng pastillas bilang regalo.

By  Jaymark Dagala

Pumalag ang militar sa alegasyong mga sundalo ang nanunog sa teachers cottage sa isang Lumad school sa Sibagat Agusan del Sur.

Sa statement na ipinalabas ng Eastern Mindanao Command, mga peke ang sinasabi nilang nakasuot ng uniporme ng sundalo na nanunog sa teachers cottage at tatlong nursery ng Alternative Learning Center for Agriculture and Livelihood Development o ALCADEV.

Sangay ito ng ALCADEV sa Han-ayan Lianga Surigao del Sur kung saan administrator si Emerito Samarca, isa sa tatlong Lumads na pinatay noong September 1 kasama ang Manobo leaders na sina Dionel Campos at Datu Bello Sinzo.

Wala namang napaulat na nasaktan sa sunog na nangyari sa ALCADEV sa Sibagat dahil lumikas na ang 10 guro at 24 na estudyante, isang linggo matapos ang patayan sa Lianga Surigao del Sur.

Isang Dr. Naty Castro ng grupong karapatan ang di umano’y nag ulat hinggil sa naganap na sunog sa ALCADEV.

Wala umanong binanggit sa report na mga sundalo ang lumikha ng sunog.

Subalit batay umano testimonya ng mga residente sa Padiay, dumating sa kanilang lugar ang mga sundalo ng 23rd Infantry Batallion, isang linggo bago mangyari ang sunog at nagtatanong kung bakit hindi pa sinusunog ang paaralan na syang ugat ng kaguluhan sa kanilang komunidad.

Matatandaan na sinasabi ng military na sa ALCADEV tinuturuan ng mga estudyante na suportahan ang New People’s Army.

By  Len Aguirre  

Nakalatag na ang seguridad na ipatutupad ng Armed Forces of the Philippines (AFP) para sa mga head of economies na darating sa bansa para sa APEC Summit sa susunod na linggo.

Ayon kay Colonel Restituto Padilla, Spokesman ng AFP, nakataas na ang blue alert sa National Capital Region, ibig sabihin, kalahati ng puwersa ng AFP ay naka-standby na sa kani-kanilang himpilan.

Sinabi ni Padilla na magkakaiba ang lebel ng seguridad na ibibigay nila sa bawat lider ng mga bansang kalahok sa APEC Summit.

“May naka-assign pong team sa kanila, siya ang may responsibilidad na alamin at pagtuunan ng pansin para sa security nung ating heads of economies kasi may kanya-kanyang personalidad, may kanya-kanyang activities sa bawat araw, tulad niyan may mga gustong maghanap ng bagong kainan, gustong tikman ang ating mga lutong Pilipino.”Ani Padilla.

Ayon kay Padilla, ang bawat team na nakatalaga sa isang head of state ay inatasan rin nilang pag-aralan ang personalidad ng lider na kanilang babantayan.

Ito’y bilang paghahanda na rin sa mga kakaibang sitwasyon na puwedeng mangyari habang narito sa bansa ang mga head of state.

“Kaya yung iba-ibang pong requirements nila ay pinagtutuunan natin at binibigyan natin ng angkop na security coverage, hindi po natin maihahambing lahat ng heads of economies na pare-pareho at pantay-pantay ang kanilang risk level, tulad po ng malalaking bansa, ang kanilang risk ay mataas at may angkop po tayong puwersa na naka-assign sa kanila.” Pahayag ni Padilla.

Task Force Maritime Security handa nang magbantay sa karagatan

Samantala, naka-deploy na ang 400 miyembro ng Task Force Maritime Security na magbabantay sa karagatan sa kasagsagan ng Asia Pacific Economic Cooperation Summit sa susunod na linggo.

Mismong si Philippine National Police (PNP) Chief Director General Ricardo Marquez ang nanguna sa send off ceremony sa mga miyembro ng maritime security.

Ang task group ay binubuo ng mga opisyal at tauhan ng Philippine Coast Guard, Naval Forces Central ng Philippine Navy at PNP Maritime Group.

Binuo ang grupo upang siguraduhing ligtas ang karagatan na nakapalibot sa mga lugar na pagdarausan ng APEC Summit.

By Len Aguirre | Balitang Todong Lakas