Monthly Archives

June 2026

Saul Canelo Alvarez superstar in the making-Oscar De La Hoya

Posibleng malamnpasan pa ni Saul Canelo Alvarez ang mga naging achievements nina Floyd Mayweather Jr at Manny Pacquiao.

Inihayag ito ng boxing legend na si Oscar De La Hoya na siyang may-ari ng Golden Boy Promotions.

Sinabi ni Dela Hoya, marami nang narating si Alvarez sa mura nitong edad kaya’t maging siya ay posible rin nitong mahigitan.

Dahil dito, sinabi ni Golden boy na handa niyang tulungan si Alvarez sa mga desisyon nito para makamit ang rurok ng tagumpay sa kaniyang karera.

By: Jaymark Dagala

November 1, 2015 0 comment

ENTERTAINMENT

Sen. Tito Sotto at Joey de Leon binatikos dahil sa Muslim attire

written by DWIZ 882

Nasa hot seat ngayon ang dalawang beteranong komedyanteng sina Senador Tito Sotto at Joey de Leon.

Ito’y matapos umani ng batikos ang Halloween costume ng 2 sa kanilang noontime show na Eat Bulaga

Ayon kay Autonomous Region of Muslim Mindano Gov. Mujiv Hataman, labis silang nasaktan dahil sa ginawang katawa-tawa umano ang iniingatang kasuotan ng mga Muslim na inihalintulad sa mga zombies.

Dahil dito, hiningan ni Hataman ng public apology sina Tito Sen at Joey dahil sa ginawa nitong pambabastos sa mga Muslim.

By: Jaymark Dagala

November 1, 2015 0 comment

HEADLINES

Pilipinas kumpiyansa na mabibigyang linaw ang reklamo laban sa China kaugnay sa West Philippine Sea

written by DWIZ 882

Kumpiyansa ang Pilipinas na magkakaroon na ng linaw ang reklamong isinampa ng Pilipinas laban sa China hinggil sa usapin sa West Philippine Sea.

Ito’y kahit patuloy ang pagtanggi ng China na kilalanin ang hurisdiksyon ng International Arbitral Tribunal sa the Hague, Netherlands

Ayon kay Paul Reichler, Chief Counsel ng Pilipinas sa the Hague, naniniwala siyang lalambot din ang posisyon ng China sa usapin dahil sa pressure na matatanggap nito sa international community.

Dahil dito, sinabi ni Reichler na posibleng magkaroon na ng paborableng desisyon hinggil dito ang arbitral court sa kalagitnaan ng susunod na taon.

By: Jaymark Dagala

November 1, 2015 0 comment

HEADLINES

Metro Patroller patay sa pamamaril sa Quezon City

written by DWIZ 882

Patay ang Metro Patrol Volunteer nang pagbabarilin ito sa bahagi ng Quezon City kagabi.

Kinilala ang biktimang si Jose Bernardo batay sa nakuhang id ng mga awtoridad na nagtamo ng tama ng bala sa ulo at iba’t ibang bahagi ng katawan.

Ayon sa mga saksi, nangyari ang insidente sa harap ng isang kainan sa North olympus, barangay kaligayahan sa nasabing lungsod

Sinasabing tinambangan ang biktima ng riding in tandem, hindi kalayuan sa hindi pinangalanang kainan

Sugatan din ang isang kawani ng restaurant na kinilalang si Marlon Donio nang tamaan din ito ng bala ng kalibre 45 na baril.

Kasalukuyan nang nagpapagaling si Donio sa Bernardino hospital sa Novaliches.

By: Jaymark Dagala

November 1, 2015 0 comment

NATIONAL NEWS

Manila Mayor Joseph Estrada nag ikot sa Manila North Cemetery

written by DWIZ 882

Naglibot si Manila Mayor Joseph Estrada sa Manila North Cemetery upang alamin ang peace and order situation sa naturang lugar.

Bagaman binisita ni Estrada ang puntod ng matalik na kaibigang si Fernando Poe Junior, hindi naman sila nagkasabay ng anak ni “The King” na si Senador Grace Poe na dumating ng mas maaga.

Nilinaw naman ng dating Pangulo na marahil ay sadyang hindi ipinag-adya na nagkasabay sila ni Senador Poe ngunit maganda na rin anya ito dahil mas nakapagdasal siya ng mabuti.

Samantala, aminado si Erap na hanggang ngayon ay hindi pa niya matiyak kung sino ang i-eendorsong presidential candidate sa 2016 elections.

By: Drew Nacino

November 1, 2015 0 comment

NATIONAL NEWS

Binihag na Korean National patay ng matagpuan sa Sulu

written by DWIZ 882

Patay na nang matagpuan ng isang residente ang binihag na Korean National sa Sulu kagabi.

Agad dinala sa Camp Gen. Teodulfo Bautista Trauma Hospital ang labi ng kinilalang si Nwi Seong Hong, 70 anyos.

Batay sa pagsusuri ng mga miyembro ng Scene of the Crime Operatives o SOCO walang tama ng bala sa katawan ang biktima dahilan upang sabihing namatay ito sa sakit.

Magugunitang dinukot si Hong at ang anak nitong lalaki sa barangay Poblacion sa bayan ng RT Lim sa Zamboanga Sibugay ng mga miyembro ng Abu Sayaf Indanan base na pinamumunuan ng isang Usang Susukan at Anga Adji noong Enero.

By: Jaymark Dagala

November 1, 2015 0 comment

NATIONAL NEWS

Mindanao better nakubra ang P27 M jackot sa Ultra Lotto

written by DWIZ 882

Isang masuwerteng mananaya mula Malaybalay City, Bukidnon ang napabilang sa mga bagong milyonaryo matapos kubrahin ang premyo sa 6-58 Ultra Lotto na P277.9 Million na binola noong Biyernes.

Ayon kay Philippine Charity Sweepstakes Office Assistant General Manager for Gaming Sector Conrado Zabella, inabot ng 69 na draw bago matumbok ng masuwerteng mananaya ang jackpot sa ultra lotto.

Binili anya ang winning ticket sa isang outlet sa Malaybalay City at sa halagang P100 ay nakuha ng bagong milyonaryo ang kombinasyon na 22-09-24-16-52-42 sa pamamagitan ng manual pick.

By: Drew Nacino

November 1, 2015 0 comment

INTERNATIONAL NEWS

Russian commercial airplane na may lulang mahigit 200 pasahero nag-crash sa Egypt

written by DWIZ 882

Isang Russian passenger plane ang nag-crash sa Sinai Peninsula, sa Egypt.

Lulan ng eroplano ang 224 na pasahero nang bumagsak sa bulubunduking bahagi ng Sinai, kahapon.

Kinumpirma ng Egyptian Security at medical officials na walang nakaligtas sa plane crash at nagkalat ang bahagi ng katawan ng mga pasahero at debris sa naturang lugar.

Kaka-take off lamang ng Kogalymavia flight 9268 sa resort destination na Sharm el-sheikh, Egypt patungong saint Petersburg, Russia nang mag-crash malapit sa bayan ng El-arish.

Bagaman inako na ng Islamic State ang pagpapabagsak ang pag-atake gamit ang surface-to-air missiles, inihayag ng Russia na wala namang kakayahan ang I.S. na maglunsad ng airstrike gamit ang mga ballistic missile.

By: Drew Nacino

November 1, 2015 0 comment