June 2026

2 ang patay na kinabibilangan ng 1 sundalo at isang Citizen Armed Force Geographical Unit o CAFGU sa pag-atake ng New People’s Army sa Labo, Camarines Norte

Kinilala ni Lt. Gen. Ricardo Visayas, Commander ng AFP Southern Luzon Command ang mga biktima na sina Private Reymark Camila na miyembro ng 49th Infantry Battalion at Anthony Aceron, isang CAFGU na miyembro ng 22nd Infantry Battalion.

Sinasabing nagbabantay lamang ang grupo ng mga nasawi sa Namukanan Bridge Project nang tambangan ang mga ito ng mga rebelde ngunit nakaganti naman ng putok ang mga sundalo

Nagawa naman ng mga rebelde na makuha sa mga nasawing biktima ang kanilang M-14 at M-16 rifles.

Ayon pa kay Visayas, sinasabing inatake ng mga rebelde ang naturang proyekto dahil sa hindi nagbigay ng butaw o suhol ang contractor nito.
By: Jaymark Dagala

Kung  ang  simbahan ang  masusunod ay dapat November 2 ang  ideklarang holiday o pista  opisyal.

Ayon kay Cardinal Orlando Quevedo , ang  November 1  ay para sa  mga   santo  at  yung  mga  nakarating  na  sa  langit  at nakita  ang  Panginoon.

Pero ang  November 2  aniya  ay All Soul’s Day, ang  araw  na  dapat  ipagdasal ang  mga  kaluluwang  nagdurusa  sa  purgatoryo at  hindi   pa  nakarating  sa  langit.

Nauna rito inihayag  ng  Malacanang  na  hindi holiday Ang  november 2 kayat  may pasok sa  lahat  ng mga  tanggapan  ng  pamahalaan at  maging  sa  pribadong  sektor.

By: Aileen Taliping (patrol 23)

Nagtipun-tipon ang pamilya ng mga tinaguriang Los Desaparecidos sa Liwasang Bonifacio sa lungsod ng Maynila.

Ito’y upang mag-alay ng panalangin sa kanilang mga mahal sa buhay na kasalukuyan pa ring nawawala ngayong tradisyunal na undas o All Saints Day

Dahil sa walang libingan o sementeryong pupuntahan, sa bantayog ni Gat Andres Bonifacio na lang piniling magtirik ng kandila at mag-alay ng bulaklak ang pamilya ng mga desaparacidos

Maliban dito, sumama rin ang grupo ng mga lumad na nagmula pa sa Mindanao at nagmartsa patungong maynila para makiisa sa pag-aalala sa mga yumao nilang katribu.

By: Jaymark Dagala

Bumaba  ang  bilang  ng  mga  balikbayan boxes  na  dumarating  ngayon sa  bansa  kumpara  sa  nakagawian na dagsa  lalo na  tuwing  palapit  na ang  holiday season.

Batay sa  report  ng  cargo forwarders, mistulang  pahiwatig  ito  ng  mga  Overseas  Filipino Workers  na  mas  mabuting  huwag  na  lang  magpadala  kaysa  madagit  pa  ng  mga  tiwali sa  Bureau of Customs.

Matatandaang  negatibo ang  reaksiyon ng  mga  OFWs sa  plano  ng  Bureau  of  Customs na  manual inspection ng  mga  balikbayan boxes  para  umano  masawata  ang  smuggling.

Kumalat  din sa   social media  ang  mga  nabuburiki o kaya  naman ay  nasisirang  kahon  ng mga  balikbayan boxes  na  tila nasalaula  ng  sampung  beses.

By: Aileen Taliping (patrol 23)