June 2026

Pina-alalahanan ng Catholic Media Network ang publiko na sumunod sa huling habilin ng mga namatay lalo’t kung nais ng mga ito na i-cremate.

Gayunman, nilinaw ni CMN President Father Francis Lucas na dapat ilibing ng maayos ang mga abo.

Ayon kay Lucas, bagaman pinapayagan na ng simbahang katolika ang cremation,  dapat ilagay sa isang lugar o puntod ang abo sa halip na  ilagak sa bahay.

Hindi naman anya libingan ang bahay at hindi rin naman dapat iwan ang abo sa tahanan.

Samantala, inihayag ni Lucas na hindi na kailangang tumawag ang mga miyembro ng pamilya ng serbisyo ng pari upang pa-bendisyunan ng holy water ang puntod ng mga kaanak  dahil maaari namang humingi na lamang  ng  holy water sa simbahan.

By: Drew Nacino

Pinalawig ng Commission on Elections ang  voters’ registration period sa ilang lugar sa  Region 2 na naapektuhan ng bagyong Lando.

Ayon kay COMELEC Chairman Andres Bautista, hiniling ng mga taga-Cagayan Valley region na palawigin ang registration hanggang ngayong araw.

Gayunman, nilinaw ni Bautista na walang extension sa mga lugar na hindi naman nasalanta ng bagyo upang hindi maka-apekto sa preparasyon ng poll body.

Kahapon ang opisyal na pagtatapos ng pagpapa-rehistro para  sa 2016 national at local elections.

By: Drew Nacino

50 porsyento ang ibinagsak ng bilang ng mga bumibili ng bulaklak sa Dangwa, sa Sampaloc, Maynila ngayong Undas kumpara  sa mga nakalipas na paggunita ng araw ng mga kaluluwa.

Aminado ang mga flower shop owner na tumaas  ang presyo ng kanilang mga produkto dahil sa bagyong Lando na tumama sa Northern Luzon kaya’t posibleng mas prayoridad ng mga tao na bumili ng pagkain.

Karamihan sa mga bulaklak ay nagmula sa Baguio City at malaking bahagi ng lalawigan ng Benguet na isa sa pinaka-matinding nasalanta ng bagyo na nagbunsod upang tumaas ng P20 hanggang P30.

Gayunman, nagkaroon ng “oversupply” ng bulaklak dahil kaunti naman ang bumili ngayong taon kaya’t napilitan ang ibang mga nagtitinda na ibagsak na presyo ng  kanilang mga produkto.

By: Drew Nacino

22-03-27-41-43-36 (No Winner)
In any order
Jackpot Prize: Php 50 Million