Nananatili sa full alert ang Philippine National Police (PNP) hanggang bukas, November 3.
Ayon kay Chief Supt. Wilben Mayor, Spokesman ng PNP, mahigpit pa rin ang pagbabantay nila sa mga terminal, paliparan at daungan para matiyak ang ligtas na pagbabalik ng mga nagsiuwian sa probinsya.
Sinabi ni Mayor na nairaos naman ng mapayapa sa buong kapuluan ang Undas.
By Len Aguirre | Ratsada Balita
Inaasahang mas mataas ang bilang ng mga botante sa 2016 elections kumapara noong 2010 at 2013.
Bagamat wala pang opisyal na datos ang Commission on Elections (COMELEC) kung ilan registered voters para sa 2016 maaari anilang mas mataas ito kumpara sa nagdaang dalawang eleksyon.
Nitong katapusan ng Oktubre pormal na nagtapos ang registration of voters at pagpapa-validate ng mga biometrics.
Dadaan muna sa hearing ng ERB o Election Registration Board ang mga registration ng mga botante bago sila tuluyang mailagay sa voters list.
Sa February 9, inaasahang ilalabas ng COMELEC ang certified list of voters para sa 2016.
Noong 2010, mayroong 51.2 million registered voters samantalang 52.9 million naman noong 2013.
By Len Aguirre
Nakalusot ang All Filipina girl group na 4th Impact na mas naunang nakilala na 4th Power sa katatapos lang na elimination round ng X-Factor UK.
Kabilang ang 4th Impact sa magpapatuloy sa next round ng nasabing kompetisyon kasama ang 10 iba pa.
Ito ay matapos mapahanga ng magkakapatid na Cerado ang kanilang mga fans at mga judges ng X-Factor sa kanilang naging live performance at makakuha ng sapat na boto.
Inawit ng magkakapatid ang kanta ni Ariana Grande na “Problem”.
Samantala, nagpost sa twitter ng pasasalamat ang Cerado sisters para sa kanilang mga supporters.
By Krista de Dios
*Watch their performance here:
Sa #SiyasatExpress, pag-usapan at siyasatin natin ang tinatawag na ‘haze’
Sinimulan na ng Metropolitan Manila Development Authority o MMDA ang clearing operations sa Mabuhay Lanes ngayong araw.
Ayon sa MMDA, layon nitong maibsan ang mabigat na daloy ng trapiko sa Metro Manila.
Bubuksan sa mga motorista ang mga alternate routes patungo sa mga pangunahing kalsada sa EDSA.
Nangangahulugang mula alas -6:00 hanggang alas-9:00 ng umaga ay bawal ang pagparada ng mga sasakyan sa Mabuhay Lanes.
Una rito, pinaalalahanan na ng MMDA ang mga may-ari ng mga pribadong sasakyan na tanggalin ang mga nakaparada nilang sasakyan sa Mabuhay Lanes upang lumuwag ang daloy ng trapiko.
By Ralph Obina
Kinansela ng Philippine Airlines o PAL ang kanilang mahigit 200 flights ngayong buwan bunsod ng idaraos na APEC Summit sa Maynila.
Ayon sa PAL, hindi matutuloy ang biyahe ng 115 domestic at 96 international flights mula November 15 hanggang November 20 upang bigyang daan ang pagdating ng mga delegado.
Tiniyak ng PAL na ire-reschedule ang mga apektadong flights nang walang rebooking at penalty charges.
Sinasabing mayroon ding opsiyon ang mga bibiyahe kung saan puwede nilang ipa-refund ang ibinayad nila sa ticket nang buo.
By Jelbert Perdez
28-41-50-47-44-17 (No Winner)
In any order
Jackpot Prize: Php 30 Million
04-44-14-15-45-02 (No Winner)
In any order
Jackpot Prize: Php 28,787,956.00
Wala pa ring talo sa tatlong magkasunod na laro ang Philippine National Youth Basketball Team sa FIBA Asia Under-16 Championship.
Kasunod ito ng ginawang pagdispatsa ng batang Gilas sa Iraq sa score na 78-69 sa kanilang bakbakan sa second round Group F sa Britama Arena sa Jakarta, Indonesia.
Si Gian Mamuyac ang nanguna sa koponan ng mga Pinoy sa pamamagitan ng score na 16 points habang si Harvey Pagsanjan naman ay nagtala ng 13 points.
Nag-ambag din si team captain sj Belangel ng 10 points at team-high six assists dahilan upang magwagi ang batang Gilas.
Dahil sa panalo, may puwesto na ang national youth basketball team sa quarterfinals kung saan nasa hanay nila ang China, Japan at Chinese Taipei na wala pa ring talo sa FIBA Asia tilt.
Makakasagupa ng batang Gilas ang South Korea bago ang three-time defending champion China sa isang Group F match bago sasabak sa knockout rounds.
By Jelbert Perdez
Handa na ang gobyerno para sa Christmas holiday rush lalo sa inaasahang pagtindi ng daloy ng trapiko.
Ayon kay Presidential Spokesperson Edwin Lacierda, nakipag-ugnayan na ang Philippine National Police at Department of Trade and Industry sa mall operators in Metro Manila at iba pang urban area.
Magsasagawa anya ng additional measures ang PNP upang matiyak ang kaligtasan ng publiko sa Yuletide season habang mas tututukan ng Highway Patrol Group Traffic Operations sa EDSA.
Samantala, katuwang din ng DTI at PNP ang Department of Tourism sa preparasyon dahil inaasahan na rin ang pagdagsa ng mga balikbayan at dayuhan upang magdiwang ng Pasko kasama ang pamilya sa Pilipinas.
By Drew Nacino