Posibleng umabot ng 20 oras ang water service interruption ng Maynilad simula Oktubre 5.
Ito, ayon kay Engr. Ronald Padua, Water Supply Operations Head ng Maynilad ay kung hindi sasapat ang naipong tubig sa Angat Dam.
Maaari aniyang palawigin ang oras ng service interruption mula sa kasalukuyang alas-9:00 ng gabi hanggang alas-4:00 ng madaling araw kahit mapako sa 38 cubic meters per second ang alokasyon mula sa Angat Dam.
Kabilang sa mga maaaring maapektuhan ng malawakang interruption ang ilang bahagi ng Quezon City, North Caloocan at Valenzuela.
Samantala, posible namang umabot ng 7-10 oras ang water interruption sa ibang lugar.
By Drew Nacino
