Kinasuhan ng BIR o Bureau of Internal Revenue ang dalawang negosyante dahil sa utang sa buwis na nagkakahalaga ng halos 114 million pesos.
Nahaharap sa kasong Tax Evasion sina Marvin Castillo Malabanan, may-ari ng Mardy Marketing and Trucking Services sa Tondo, Maynila at; Rosario Dela Rosa Pastor, may-ari ng Equi Tri Construction.
Ayon sa BIR, bigo si Malabanan na magbayad ng mahigit 106 million pesos na halaga ng buwis para sa taong 2009.
Samantalang may utang sa buwis na halos 7 million pesos si Pastor para sa taong 2010.
