Dalawa katao ang pinangangambahang nasawi matapos matabunan ng gumuhong lupa sa bayan ng Anda sa Bohol.
Kinilala ang mga ito na sina Valeriano Galeya and Ariel Abac na kapwa residente ng Barangay Cadabong.
Ayon sa Anda police, nagku—quarry ng limestone ang mga biktima nang mangyari ang landslide.
Sinabi naman ng mga residente na hindi umuulan nang mangyari ang landslide at pinaniniwalaang dulot pa ng Bagyong Basyang na tumama sa lalawigan noong nakaraang buwan ang paglambot ng lupa sa lugar.
Pansamantala namang itinigil ang search and retrieval operations bilang para na rin sa kaligtasan ng mga rescuers at magbabalik ngayong umaga.
—-
