Dalawa na ang patay sanhi ng haze sa General Santos City.
Kinumpirma ng medico legal office ng GenSan na nasawi sina Richard Husayan at Roberto Torres matapos atakehin ng asthma o hika, base sa post mortem examination.
Noong isang linggo pa isinugod sa ospital ang dalawa sa gitna ng makapal na lebel ng haze sa lungsod.
Samantala, nagkakauubsan na ng nebulizer sa lungsod habang punuuan na rin ang mga ospital at marami na rin ang nagkakaroon ng skin allergy at irritation sa mata.
Muling inabisuhan ng Department of Health ang mga taga-Mindanao at Visayas partikular ang mga apektado ng haze na magsuot ng face mask upang makaiwas sa mga respiratory disease.
By: Drew Nacino
