Dalawang hinihinalang sangkot sa operasyon ng iligal na droga ang patay matapos manlaban sa mga awtoridad sa Quezon City.
Kasunod ito ng isinagawang buy bust operation ng Quezon City Police District o QCPD sa bahagi ng Banawe Road kaninang madaling araw.
Kinilala ang mga suspek na sina Charlie Lorenzo alias Balugoy at Telemaccos Esmilla alias Patik.
Batay sa inisyal na imbestigasyon ng pulsiya, pinaputukan ng mga suspek ang mga pulis na nagpanggap na poseur buyers makaraang mabisto ang mga ito.
Kasalukuyan nang inaalam ng pulisya kung kabilang ba sa drug watchlist ng PNP ang pangalan nila Lorenzo at Esmilla.
By: Jaymark Dagala
