Arestado ang dalawang (2) hinihinalang miyembro ng New People’s Army o NPA sa bayan ng Quezon sa Bukidnon.
Ito ay sa isinagawang operasyon ng Special Action Force ng 8th Infantry Battalion at Bukidnon Provincial Safety Company sa Purok 8 Barangay Kiburiao.
Ayon kay Captain Norman Tagros ng 403rd Infantry Brigade Civil Military Operations, patungo na sa lugar ang security patrol ang tropa ng pamahalaan nang makatanggap sila ng impormasyon ukol sa umano’y presensya ng mga armadong lalake.
Ilang minutong nakabaralinan ng mga sundalo ang mga rebelde hanggang sa maaresto ang dalawa na kinilalang sina Ruel Calolot at kapatid nitong si Ramil.
Narekober sa mga suspek ang ilang improvised explosive device o IED.
Sinasabing ang mga narekober na bomba ay nakatakda sana umanong ipakalat ng grupo sa mga lugar sa Mindanao.
By Ralph Obina
