Inaresto ang 2 dayuhan dahil sa pagtutulak ng Ecstasy na nagkakahalaga ng higit sa P. 280,000.00
Sa buy bust operation ng PNP Anti Illegal Drugs Group sa Mercado Street, Makati City kamakailan, nahuli ng mga operatiba ang 34 anyos na Canadian na si Jeremy Eaton sa aktong nagbebenta ng 120 tableta ng ecstasy.
Samantala, hinuli naman ang Australian na kasamahan ni Eaton, ang 34 anyos na si Damien John Berg sa follow-up operation kung saan naaktuhan itong nagbebenta ng nasa 50 tableta ng Ecstasy.
Ayon kay PNP Spokesman Chief Superintendent Wilben Mayor, matagal na nilang minamanmanan sina Eaton at Berg dahil sa pagbebenta ng Ecstasy.
By: Avee Devierte
