Patay ang dalawang hinihinalang drug suspect at sugatan ang 3 pulis sa operasyon kontra illegal na droga sa Barangay Kandang, Maimbung sa Sulu.
Kinilala ang mga suspek na sina Boogie Hajirin at Nurhasan Mandangan Padin na kapwa itinurong distributor at nagbebenta ng illegal na droga sa Maimbung.
Ayon kay Sulu Provincial Police Director Senior Supreintendent Mario Buyuccan, nauugnay rin ang dalawang drug suspect sa operasyon ng grupong Abu Sayyaf sa Sulu.
Narekober sa bahay ni Padin ang tatlong sachet ng hinihinalang shabu, drug paraphernalia at M-16 rifle.
Samantala, kabilang sa mga nasugatang pulis sa operasyon si Inspector Ergie Wanawan, Hepe ng Maimbung Municipal Police Station.
Itinanggi naman ni Buyuccan na may ibang sibilyan na nadamay sa naturang operasyon.
By Arianne Palma
