Patay ang dalawang hinihinalang carnappers matapos maka-engkuwentro ng pulisya sa bahagi ng Austria Street sa Barangay San Agustin, Novaliches Quezon City.
Batay sa ulat, nag-report sa istasyon ng pulis ang isang alias Richard hinggil sa sinasakyan niyang motorsiklo na ninakaw ng dalawang suspek.
Kuwento ni Richard, pabalik na siya ng kanilang bahay matapos bumili ng pagkain at sigarilyo nang harangin siya ng dalawang suspek na naka-motorsiklo rin, saka siya tinutukan ng baril at tinangay ang gamit niyang motorsiklo.
Agad naman itong ini-report ng biktima pulisya dahilan kaya nagkasa ng operasyon ang mga ito.
Dito na sinasabing nangyari ang engkuwentro na ikinasawi ng dalawang ‘di pa nakikilalang mga suspek.
