Kasalukuyang nasa karagatan pa rin ang barkong MV Deryoung Sunflower na may kargang 194,000 bags ng imported na asukal mula sa Thailand.
Ito’y matapos maharang ng Philippine Ports Authority (PPA) sa Batangas.
Sa panayam ng DWIZ, sinabi ni PPA – Batangas Port Manager, Joselito Sinocruz, na dapat didiretso ang nasabing barko sa isang softdrinks company ngunit hindi ito pinayagan dahil walang permit na mula sa gobyerno.
Tinitiyak naman ng PPA na ang bawat imported ng asukal at bigas sa mga government port lamang maaaring magdiskarga. —sa panulat ni Jenn Patrolla
