Inalis at pinalitan na ng Department of Social Welfare and Development (DSWD) ang aabot sa 180,000 pamilya na nasa listahan ng Pantawid Pamilyang Pilipino Program (4Ps).
Sa budget briefing sa kamara, sinabi ni DSWD Dir. Gemma Gabuya na nagkaroon ng ebalwasyon sa listahan at ang ilan aniya sa mga pamilyang kabilang dito ay hindi na pasok sa requirements ng 4Ps kaya sila tinanggal at pinalitan.
Sa kasalukuyan, aabot sa 4.3 milyon ang benepisyaryo ng 4Ps ng DSWD at target na maitaas ng hanggang 4.4 milyon bago matapos ang taong 2020.