Patay ang 17 katao at nawawala ang 22 iba pa sa hilagang bahagi ng Puerto Princesa dahil sa bagyong Odette.
Ayon sa mga otoridad, isang dalawang taong gulang na bata sa Barangay Irawan ang inanod ng baha habang papatawid ang pamilya nito sa isang kalye para mag evacuate.
Samantala natagpuan naman sa Barangay Lucbuan ang labi ng isang senior citizen na hindi pa umano makuha ng mga otoridad na hirap makapunta sa lugar.
Sa Langogan naman lima ang napaulat na nasawi at isa ang nawawala.
22 naman ang nawawala mula sa isang isla sa munisipalidad ng Roxas.
Ipinabatid naman ng Palawan Electric Cooperative na matatagalan pa bago maibalik sa normal ang supply ng kuryente sa Puerto Princesa City kung saan bagsak din ang komunikasyon at kulang na supply ng tubig.
