16 ang arestado sa pagbebenta ng iligal at ipinagbabawal na paputok online.
Ito, ayon kay PNP Spokesperson, Col. Jean Fajardo, ay matapos ang isinagawang entrapment operation ng pulisya hanggang nitong Disyembre 22.
Alinsunod ito sa Executive Order 28 na naglilimita sa paggamit ng paputok sa mga community fireworks display lamang.
Magpapatuloy anya ang ganitong uri ng mga operasyon hanggang sa pagsapit ng bagong taon.
Aminado si Fajardo na marami silang namo-monitor na mga nagbebenta online ng firecrackers na wala namang permit kaya’t pinaigting nila ang cyber-patrolling.
Samantala, nilinaw naman ng tagapagsalita ng PNP na pinapayagang gamitin ang mga pailaw at iba pang pyrotechnic devices, gaya ng roman candle, fountain at lucessa mga residential area.
