Patay ang 16 katao matapos mahulog sa ilog ang isang bus na sinasakyan ng mga amateur football player at fans sa eastern Mexico.
Ayon sa ulat, maliban sa mga nasawi ay 10 iba pa ang nasugatan sa aksidente na naganap sa bayan ng Atoyac sa estado ng Veracruz.
Sinasabing mabilis ang takbo ng bus kaya’t nawalan ng kontrol ang driver at tumama sa isang safety barrier bago nagtuloy-tuloy sa gitna ng ilog.
Patuloy pa ring iniimbestigahan ng mga awtoridad ang naturang trahedya.
By Jelbert Perdez
