Nasa 15K overseas at local jobs ang alok ng Department of Labor and Employment sa ilalargang Hybrid Job Fairs ngayong araw bilang bahagi ng 88th anniversary ng DOLE.
Sa ilalim ng Hybrid Job Fair, limited face-to-face at online job fairs ang isasagawa sa National Capital Region, Bicol Region at Zamboanga Peninsula hanggang December 10.
Ayon kay Labor Secretary Silvestre Bello III, 224 employers ang mag-aalok ng mahigit 15,500 overseas at local jobs.
Nasa 3K trabaho ang bakante sa Saudi Arabia, United Kingdom, Germany, Japan, Kuwait at Qatar at pinaka-in-demand pa rin ang registered nurses, bakers, auto mechanics, household service workers at kitchen crew.
Locally in-demand naman ang customer service representatives, production workers, sewers, sales associates, salesmen, office staff, helpers at kitchen crew.
Idaraos ang Job Fair sa DOLE Governance Learning Center sa Intramuros, Maynila at kailangan mag-register ang mga aplikante sa jobquestph portal. —sa panulat ni Drew Nacino
