Nasa 15 indibidwal ang nailigtas kabilang ang kapitan at mga crew matapos tumaob ang private motorized pump boat sa Barangay Molocaboc, Sagay City, Negros Occidental.
Ayon kay Lieutenant Colonel Roberto Indiape Junior, Sagay Police Chief, nangyari ang insidente nang magdesisyon ang may-ari at kapitan na ihatid ang nasa 13 pasahero sa kabila ng pagbabawal ng Philippine Coast Guard (PCG) dahil sa Bagyong Paeng.
Dahil aniya sa malaking alon dulot ng malakas na hangin, tumaob ang naturang bangka.
Samantala, nailigtas ang lahat ng sakay at nakauwi na sa kani-kanilang pamilya.