Aabot sa isandaan at labin limang (115) ektarya ng taniman ng bawang ang dinapuan ng sakit na Cercospora Leaf Spot sa San Nicolas, Ilocos Norte.
Ito ay bunsod umano ng naranasang ambon at ulan sa mga nakalipas na araw.
Ayon sa Municipal Crop Coordinator ng San Nicolas na si Cecilia Zambrano, dahil sa insidente ay inaasahang kakaunti ang aanihing bawang ng mga magsasaka.
Nadiskubre ang pagkakasakit ng mga tanim na bawang sa ginawang inspeksyon ng Regional Crop Protection Center ng Ilocos Norte.
—-
