Patay ang 11 indibidwal sa naganap na aksidente sa isang minahan sa Siberia, Russia.
Ayon sa ulat, nagliyab ang coal dust sa ventilation shaft ng Listvyazhnaya Mine sa Kemerovo Region.
Nasa 285 katao ang nasa loob ng minahan nang kumalat ang usok kung saan 239 sa kanila ang nakaligtas.
Ayon kay Regional Governor Sergeil Tsivlev, 46 katao ang na-trap sa ilalim ng minahan, habang 12 naman ang ginagamot sa ospital kung saan apat ang nasa kritikal na kondisyon.
Nagsasagawa na ng imbestigasyon ang mga otoridad hinggil sa nangyaring aksidente. —sa panulat ni Hya Ludivico
