Patay ang 11 estudyante na may edad 10 – 12-taong gulang matapos mahulog sa bangin ang kanilang sinasakyang mini dump truck sa Boljoon, Southern Cebu.
Habang hindi naman bababa sa 20 ang sugatan sa insidente.
Ayon kay Boljoon Public Information Officer Ruben Nieri, isinakay ang mga nasabing estudyante sa mini dump truck para dalhin sa inorganisang health week event ng Department of Education sa sentro ng nabanggit na bayan.
Sinabi ni Nieri, tumagal ng halos dalawang oras ang isinagawang rescue operation ng mga otoridad sa lugar dahil sa kawalan ng ambulansiya.
Kinalangan pa aniyang gumamit ng iba pang dump truck para madala sa pagamutan ang mga nadisgrasyang mga estudtante.
