Pinabulaanan ni Vice President Leni Robredo na humingi siya ng posisyon sa Gabinete ni Pangulong Rodrigo Duterte.
Aniya, personal lamang nitong inihayag ang kanyang buong suporta sa Administrasyong Duterte nang magpulong sila sa Malacañang kahapon.
Kwento ni Robredo, nagpalitan din sila ng notes ng Pangulo sa mga pinagdaanan nila noong kampanya para sa May 9 election.
Kapwa, aniya, sila bantulot na kandidato noon at pareho ring taga-probinsya.
At ngayong Presidente at Bise Presidente na sila ng bansa, naninibago sila sa protocol at security.
Ayon kay Robredo, mabait at magalang ang Pangulo at tinatawag pa siya nitong “ma’am”.
By: Avee Devierte
