Umaasa ang Armed Forces of the Philippines (AFP) na matatapos nito ang problemang dala ng Abu Sayyaf group bago matapos ang taong kasalukuyan.
Ayon kay Army Commander Lt. Gen. Eduardo Ano, nagpadala na sila ng dalawa pang dagdag na batalyon sa Sulu para ipantapat sa ASG.
Ginawa ng Army ang hakbang matapos mapugutan ang dalawang Canadian hostages na sina John Ridsdel at Robert Hall.
Kasabay naman ng all-out offensives, sinabi ni Ano na patuloy pa rin ang kanilang civic military operations at bayanihan team activities sa naturang probinsya.
By Jelbert Perdez
