Binalikan ni dating SAF Commander Getulio Napeñas ang VACC sa pagsasampa ng kaso laban sa kaniya kaugnay sa Mamasapano Encounter
Kinuwestyon ni Napeñas ang aniya’y virtues at values ng VACC sa pagsama sa kaniya para managot sa pagkamatay ng 44 na SAF Commandos gayung binigyan niya pa ng mga impormasyon ang grupo hinggil sa nasabing misyon
Ayon kay Napeñas tinawagan niya si VACC Founding Chair Dante Jimenez at tinanong kung bakit siya isinama sa kaso at tanging ang sagot lang aniya ay kailangan talaga siyang kasuhan batay na rin sa pahayag ng legal team ng grupo
Tila aniya hino hostage siya ng VACC dahil nais pa siyang gawing state witness sa nasabing kaso subalit idinamay siya at pinapanagot din
Sinabi ni Napeñas na naghahanap siya ng trabaho dahil wala naman siyang makukuhang pensyon subalit haharapin niya ang kaso at naniniwala siyang malalampasan niya ang nasabing pagsubok
By: Judith Larino
