Masaya ang kampo ng pinaslang na transgender na si Jeffrey Laude sa testimonya ng mga sundalong kasamahan ni Lance Corporal Joseph Scott Pemberton.
Aminado ang pamilya Laude at kanilang mga abogado na malaking tulong para sa kanila ang salaysay ng 4 na Amerikanong sundalo sa kasong murder laban kay Pemberton na siyang pangunahing suspek sa pagpaslang kay Laude.
Inilahad nina US Marine Lance Corporals Michael Rose at Christopher Miller ang pag-amin sa kanila ni Pemberton sa krimen.
Binanggit mismo ni Rose ang pagsakal at pagkaladkad umano ni Pemberton kay Laude.
By Avee Devierte
