Pinagbawalan ni President-elect Rodrigo Duterte ang mga miyembro ng kanyang Gabinete na magsama ng kani-kanilang mga asawa o kaibigan sa kanyang inagurasyon.
Limitado, aniya, kasi ang espasyo sa Rizal Hall ng Malacañang kung saan gaganapin ang kanyang oath taking sa Hunyo 30.
Limitado sa 500 panauhin lamang ang mga imbitado sa inagurasyon ni President-elect Rodrigo Duterte, kabilang na ang kanyang pamilya, mga tumulong sa kampanya, ang kanyang gabinete, at mga kasapi ng diplomatic corps.
Ayon kay incoming Agriculture Secretary Manny Piñol, sinabihan sila ni Duterte na gustuhin man niyang pasamahin ang mga pamilya at kaibigan ng kanyang gabinite, hindi iyon maaari dahil sa limitadong espasyo sa Malacañang kaya sila-sila lamang ang maaaring dumalo.
By: Avee Devierte
