Nanindigan si incoming PNP Chief Ronald Dela Rosa na pananagutin niya ang mga alkalde at gobernador na mapatutunayang sangkot sa operasyon ng iligal na droga.
Ayon kay Dela Rosa, hindi niya sasantuhin ang mga LGU leader at wala siyang pakialam kung ito man ay alkalde o gobernador.
Aniya, walang special treatment at ta-tratuhin niya bilang mga ordinaryong kriminal ang sinumang local chief executive na mahuhuling protektor o direktang sangkot sa operasyon ng illegal drugs.
Ipinaalala ni Dela Rosa na kaya inihalal ang mga alkalde at gobernador ay para bantayan ang kanilang bayan at hindi protektahan ang sindikato ng iligal na gawain.
Magugunitang inihayag ni President Elect Rodrigo Duterte na mayroong 35 pulitiko ang sangkot sa operasyon ng iligal na droga.
By: Meann Tanbio
