Wala nang atrasan para sa Land Transportation Franchising and Regulatory Board o LTFRB na ipatupad ang phase out sa mga school service na may edad Labing Limang taon pataas.
Ayon kay LTFRB board member Ariel Inton, wala na silang ibibigay na palugit kaya’t hindi na nila mapagbibigyan pa ang Nagkakaisang Samahan ng School Service ng Pilipinas o NASSAP.
Una nang nagbanta ng kilos protesta ang NASSAP sa unang araw ng klase sa susunod na linggo kung igigiit ng LTFRB ang kanilang hakbang.
Ngunit hindi naman natinag dito ang LTFRB sa pagsasabing maraming operators ang sumunod sa kanilang kautusan kaya’t walang dahilan para hindi ituloy ang plano.
By: Jaymark Dagala
