Ipinauubaya na ng Palasyo kay President-elect Rodrigo Duterte ang pagpapasya kung saan nito gustong tumira.
Ito ay matapos sabihin ni Duterte na mag-uuwian na lang ito sa Davao, kaysa manatili sa Malacañang kung saan maraming multo.
Sinabi ni Presidential Communications Secretary Sonny Coloma na mas alam ni Duterte kung ano ang makabubuti sa kanya at bahala na ang kanyang kampo na mag-ayos nito.
Security protocol
Inamin ni incoming PSG Commander Rolando Bautista na mayroon silang binago sa security protocol para kay President-elect Rodrigo Duterte.
Ayon kay Bautista, hindi nila binago ang nakasaad sa batas subalit mayroon lang silang ilang adjustments para maging mas angkop sa bagong presidente.
Sinabi din ni Bautista nakikipag-ugnayan na siya sa kasalukuyang hepe ng PSG para sa mas maayos na transition.
By Katrina Valle | Aileen Taliping (Patrol 23) | Jonathan Andal (Patrol 31)
