Pumalo sa napaka-init na 51 degrees ang temperatura sa isang siyudad sa India.
Ayon sa ulat, naitala ito sa siyudad ng Phalodi na siya ngayong pinakamainit na temperatura sa kasaysayan ng India.
Dahil dito, dagdag parusa ito para sa mahigit 300 milyon kataong apektado ng nakamamatay na heatwave na nagdulot na rin ng krisis sa tubig sa malaking bahagi ng India.
Taun-taon, daan-daan katao ang namamatay sa India tuwing kasagsagan ng init sa mga buwan ng Mayo at Hunyo.
By Ralph Obina
