Ipinaaaresto na ng 6th Division ng Sandiganbayan ang sinibak na Philippine National Police (PNP) Chief Alan Purisima at iba pa.
Kaugnay ito sa maanomalyang transaksyon na pinasok ng PNP sa pangunguna ni Purisima sa kumpaniyang Wherefast Courier Services.
Maliban kay Purisima, ipinag-utos na rin ng Anti-Graft Court ang pag-aresto sa mga police generals na sina C/Supt. Gil Meneses, C/Supt. Napoleon Estilles, S/Supt. Allan Pereño, S/Supt.melchor Reyes at S/Insp. Ford Tuazon.
Dawit din sa mga pinaaaresto ng Sandiganbayan si Philrem President Salud Bautista na sinasabing kasabwat din umano ni Purisima sa maanomalyang kontrata.
By Jaymark Dagala | Jill Resontoc (Patrol 7)
