Idineport pabalik ng China ang 10 nitong mamamayan na umano’y cybercriminals, kaninang umaga.
Ang grupo ay isinakay sa China Eastern Airline chartered flight MU 7068, mula sa NAIA Terminal 1.
Bagamat walang sapat na koordinasyon sa Immigration, pinayagan ang mga ito na makaalis dahil isinakay ito sa chartered flight na may sapat na koordinasyon sa Chinese Interpol.
Hindi tinukoy ang detalye ng kaso laban sa 10 Chinese subalit sinasabi sa inisyal na report na kabilang sa mga nabiktima nito ang mataas na opisyal ng China.
By Katrina Valle | Raoul Esperas (Patrol 45)
