Itinalaga ni Pangulong Benigno Aquino III si Secretary Jose Rene Almendras bilang ad interim secretary ng Department of Foreign Affairs (DFA).
Ito ang inanunsiyo ni Executive Secretary Paquito Ochoa Jr. kasunod ng pagbibitiw sa puwesto ni dating Secretary Albert del Rosario.
Si Almendras ang sinasabing pansamantalang mamumuno sa DFA habang wala pang naitatalagang ipapalit kay del Rosario.
Magugunitang nagsumite ng resignation letter si del Rosario sa malakanyang dahil sa problema sa kalusugan.
Dumaranas umano ng spinal problem ang 76 na taong gulang na kalihim at lumala pa lalo ang kanyang sitwasyon nitong mga nakaraang araw.
By Jelbert Perdez | Aileen Taliping (Patrol 23)
