Tumutulong na ang halos 2,000 elemento ng Moro Islamic Liberation Front (MILF) sa Armed Forces of the Philippines (AFP) para tugisin ang mga miyembro ng Bangsamoro Islamic Liberation Fighters (BIFF) at iba pang elementong kriminal sa Maguindanao.
Ayon sa OPAPP o Office of the Presidential Adviser on the Peace Process, ni-reposition na ng BIAF o Bangsamoro Islamic Armed Forces, ang military unit ng MILF ang 1,700 miyembro nito sa iba’t ibang barangay sa gitna na rin nang mahigpit na operasyon laban sa BIFF.
Sa kasalukuyan ay nagsasagawa ng operasyon ag security forces ng gobyerno sa mga barangay ng gawang at madia sa Datu Saudi Ampatuan at mga Barangay ng Tee at Andavit sa bayan ng Datu Salibo.
Sinabi ng OPAPP na tuluy-tuloy ang operasyon ng AFP malapit sa tinaguriang SPMS box o mga bayan ng Salbo, Pagatin, Mamasapano at Shariff Aguak kung saan nakatira ang 6,000 miyembro ng BIAF kasama ang kani-kanilang pamilya.
By Judith Larino