Tiwala ang Malacañang na walang magiging epekto sa pagpasa sa panukalang Bangsamoro Basic Law o BBL ang muling pagbubukas ng senado sa imbestigasyon kaugnay sa madugong engkuwentro sa Mamasapano sa Maguindanao noong isang taon.
Ayon kay Presidential Communications Secretary Herminio Coloma, walang ibang hangad ang administrasyon kundi ang maisulong ang ganap na kapayapaan at kaunlaran sa Mindanao.
Naiintindihan aniya ng Palasyo ang tungkulin ng ibang sangay ng pamahalaan na gawin ang proseso ng imbestigasyon ngunit hindi nito dapat isantabi ang pagtalakay gayundin ang pagpasa sa naturang panukalang batas.
Bagama’t matagal nang nabibinbin ang BBL sa Kongreso, hindi nawawalan ng pag-asa ang Palasyo na maipapasa ito dahil sa pinanghahawakang pangako mula sa liderato ng dalawang kapulungan nito.
By Jaymark Dagala | Aileen Taliping (Patrol 23)
