Sisikapin ng Land Transportation Office na maresolba ang mga problema sa lisensiya at plaka ng mga sasakyan bago matapos ang termino ni Pangulong Benigno Aquino sa June 30, 2016.
Sinabi sa DWIZ ni LTO Chief Atty. Roberto Cabrera na hindi naman tinutulugan ang mga problema at ang nakakapagpatagal lamang ay ang mga kasong nakasampa sa korte.
Hindi sila agad nakakagalaw dahil na rin sa mga Temporary Restraining Order na nakasampa sa korte .
“Hopefully, bago matapos ang termino ni Pangulong Aquino ay masolusyonan na ito. Unfortunately, gumagalaw naman ito kaso may legal processes na kailangan sundin, may restrictions ang COA sa amin at may TRO sa amin, and we respect that. Tinitignan naming kung paano mare-resolve, pending ang mga kaso na ‘to,” paliwanag ni Cabrera.
By: Aileen Taliping (Patrol 23)
