Patay ang 1 Army officer samantalang 8 naman ang nasawi sa panig ng Abu Sayyaf sa bakbakang naganap sa sitio Sangay, Barangay buhanginan Patikulo Sulu.
Sa ulat ng WESTMINCOM o Western Mindanao Command, hindi bababa sa 100 Abu Sayyaf na pinamumunuan ni ASG Commander Hajan Sawadjaan ang naka engkwentro ng Scout Ranger batallion ng Philippine Army.
Kinilala ng WESTMINCOM ang nasawing sundalo na si Second Lt. Ronald Detalla samantalang may 4 pang sundalo ang nasugatan sa insidente na nai airlift na sa Camp Navarro General Hospital sa Zamboanga.
Agad naglunsad ng manhunt operations ang militar para tugisin ang tumakas na mga bandido.
By: Len Aguirre
