Narekober na ng mga tropa ng gobyerno ang pinaniniwalaang katawan ng Malaysian kidnap victim na pinugutan ng Abu Sayyaf sa Sulu.
Kinumpirma ni Brig. Gen. Alan Arrojado, Commander ng Joint Task Group Sulu, dakong alas-10:00 kagabi nang matagpuan ang sinasabing katawan ng biktimang si Bernard Then sa Sitio Lungon-Lungon, Barangay Lanao Dakula, sa bayan ng Parang.
Agad dinala ang bangkay sa kutang Heneral Teodulfo Bautista Trauma Hospital sa Jolo.
Mayo 14 nang dukutin ng mga bandido ang negosyante sa Sandakan, Malaysia.
By Drew Nacino
