Itinanggi ng Armed Forces of the Philippines ang paratang ng Chinese Ambassador na si Jing Quan na lumabag sa pansamantalang kasunduan ang bansa matapos na magsagawa ng bagong konstruksyon ang mga AFP Personnel sa BRP Sierra Madre sa Ayungin Shoal.
Ayon kay Jing Quan, paglabag ito sa pansamantalang kasunduan ng Pilipinas at China na panatilihin ang status quo.
Gayunman, ayon kay Armed Forces of the Philippines Chief Lieutenant General Antonio Nafarrete, lehitimong bahagi ng kanilang tungkulin ang ginagawa ng mga AFP Personnel, dahil ang BRP Sierra Madre ay isang opisyal na himpilang militar ng Pilipinas.
Kasunod nito, muling uminit ang tensyon sa West Philippine Sea matapos kumalat ang video ng mga tauhan ng china coast guard na nanakit ng mga sundalong Pilipino gamit ang mga pamalo, kung saan dalawang sundalo ang sugatan at isa sa kanila ang nagtamo ng pitong sentimetrong sugat sa ulo.
Sa ngayon, kinumpirma na ng Philippine Coast Guard na ligtas nang nailikas ang dalawang sugatang sundalo para sa agarang pagpapagamot.
Bunsod nito, ipinatawag ni Pangulong Ferdinand Marcos Jr., ang Chinese Ambassador upang magpaliwanag, habang kinondena ng Malacañang ang insidente at sinuportahan ang pahayag ng DFA, DND, at AFP.| sa panulat ni Reabelle Medina
