Umangat ng tatlong puwesto ang Philippine Passport sa pinakahuling Henley Passport Index, mula ika-75 na ranggo noong 2025 patungong ika-72 na puwesto ngayong 2026.
Bunsod nito, maaari nang makapasok ang mga may hawak ng Philippine Passport sa animnapu’t limang bansa na hindi nangangailangan ng visa.
Batay sa report, ito na ang pinakamataas na ranggo ng Pilipinas mula pa noong 2014.
Gayunman, nananatiling mas mababa ito kumpara sa pinakamataas na naabot ng bansa noong 2007 hanggang 2009 na nasa ika-62 puwesto.
Samantala, nanatili ang Singapore bilang may pinakamalakas na passport sa buong mundo, na may visa-free access sa isangdaan siyamnapu’t dalawang bansa habang sumunod naman ang Japan, South Korea, at United Arab Emirates na may tig-isangdaan walumpu’t walong destinasyong maaaring pasukin ng walang visa. | sa panulat ni Reabelle Medina
