Mahigit isandaang wildfire ang naitala sa buong Canada ngayong linggo, na nagdulot ng malawak at makapal na usok sa naturang bansa at maging sa hilagang bahagi ng Estados Unidos.
Nabatid na pinakaapektado ang mga probinsya ng Ontario, Quebec, at Manitoba sa Canada; at dinadala ng hangin ang usok mula sa mga naturang sunog pa-timog-silangan, kung saan umabot ito hanggang New York City.
Dahil dito, pinayuhan ng National Weather Service ang mga Amerikanong apektado ng usok mula sa wildfires na, hangga’t maaari, manatili sa loob ng bahay at iwasang lumabas upang hindi maapektuhan ng matinding init at hindi makalanghap ng usok.
Samantala, inilikas ng mga otoridad ang mga bumibisitang camper sa Boundary Waters Canoe Area Wilderness sa estado ng Minnesota dahil kumakalat ang mga wildfire dulot ng kidlat sa buong kagubatan. | Sa panulat ni Anjo Riñon
