Iginiit ni Senador Risa Hontiveros na kailangan pa ng mas malawak na reporma sa sistema ng pasahod sa kabila ng aprubadong 85 piso kada araw na dagdag-sahod sa mga empleyado sa Metro Manila.
Ayon kay Sen. Hontiveros, hindi sapat ang paisa-isang pagtaas ng sahod upang malutas ang mga problema ng mga manggagawa at negosyo.
Dahil dito, muling itinulak ng senador ang Senate Bill No. 210, o ang Fair Wages and Productivity Bill, na naglalayong ipatupad ang two-track wage system, para matiyak ang mas makatarungang kita habang napapanatili ang katatagan ng mga negosyo.
Bagama’t may mga grupong employer na tumutol sa dagdag-sahod, sinabi nilang susundin nila ang ipinatupad na desisyon.
Gayunman, nagbabala sila sa posibleng epekto nito sa maliliit na negosyo.
