Posibleng maging pinakamahabang impeachment trial sa kasaysayan ng bansa ang paglilitis kay Vice President Sara Duterte.
Ayon kay Senate Secretary at Impeachment Clerk of Court Renato Bantug, kung aabot sa 92 trial days ang presentasyon ng ebidensya ng prosecution at depensa, ito na ang magiging pinakamahabang impeachment trial na naitala sa Pilipinas.
Aniya, maaari itong tumagal ng anim hanggang pitong buwan kung tatlong trial days ang isasagawa kada linggo.
