Naitala ng DOST-PHIVOLCS ang 287 lindol sa karagatan ng Bolinao, Pangasinan mula Mayo 27 hanggang Hunyo 26, 2026.
Ayon sa ahensya, ang mga lindol ay may lakas na Magnitude 1.8 hanggang 5.1 at lalim na 2 hanggang 47 kilometro.
Ipinaliwanag ng DOST-Phivolcs na ang sunod-sunod na pagyanig sa iisang lugar na walang malinaw na pangunahing lindol o mainshock ay tinatawag na earthquake swarm.
Maaaring tumagal ang ganitong pangyayari ng ilang araw, linggo, o mas matagal pa. Wala namang iniulat na malaking pinsala kaugnay ng mga pagyanig.
