Ibinunyag ng Department of Labor and Employment Central Luzon na ipinatigil nila ang pagsasagawa sa gumuhong gusali sa Angeles City, Pampanga.
Ayon sa DOLE-3 noong pang Setyembre 2025 nag-isyu ang kagawaran ng work stoppage order sa contractor ng gumuhong gusali na Golden Years Construction and Steelworks.
Dagdag pa ni DOLE-3 regional director Geraldine Panlilio, nakatanggap din ng patong-patong na reklamo ang kanyang opisina dahil bigo umanong bigyan ng Golden Years ang mga trabahador nito ng mga mandatory government benefits, tulad ng SSS, Pag-IBIG, at PhilHealth.
Hindi rin anya pumayag ang kompanya na inspeksyunin ng DOLE ang construction site; ngunit nakapansin pa rin ang kagawaran ng mga paglabag sa occupational safety and health standards; tulad ng kakulangan sa safety equipment, electronics, at scaffolding.
Samantala, magpapamigay ang Department of Social Welfare and Development ng P10,000 cash assistance at sustainable livelihood package para sa mga trabahador ng gumuhong gusali. —sa panulat ni Anjo Riñon
