Kinuwestyon ng kampo ni Senador Ronald “Bato” dela Rosa ang direktiba ng Department of Justice kaugnay ng posibleng pag-aresto sa senador sa bisa ng arrest warrant ng International Criminal Court.
Ayon kina Atty. Israelito Torreon at Jimmy Bondoc, dapat munang dumaan sa proseso ng lokal na hukuman ang anumang ICC arrest warrant bago ito ipatupad sa bansa.
Iginiit ng mga abogado ni Senador dela Rosa na kailangang igalang ang Konstitusyon, international law, at due process sa paghawak ng naturang usapin.
Tiniyak ng mga abogado na hindi umiiwas ang kanilang kliyente sa pananagutan at handa silang gamitin ang lahat ng legal remedies para ipagtanggol si Senador dela Rosa. —sa panulat ni Jordan Gutierrez
